MRADI WA MAJI ULIOKATALIWA MAHENE WAPOKELEWA.

Posted on: October 1st, 2018

MRADI WA MAJI ULIOKATALIWA  MAHENE WAPOKELEWA.

ananchi wa Mahene  na Buhondo wamekubali na kupokea miradi wa maji iliyogharimu zaidi ya shilingi milioni 430,000,000 Katika vijiji hivyo viwili. Mradi huo uliokuwa na awamu mbili katika kuukamilisha ulipokelewa kwa shangwe na wananchi hao wa Mahene. ‘’Kwa sasa tutapumua na kupunguza kero ya kuamka usiku kwenda kuteka maji katika maeneo ya visima ‘’alisikika mwananchi mmoja akieleza.

Akizindua mradi huo wa maji katika nyakati tofauti tofauti  Mkuu wa wilaya Mhe. Godfrey Ngupula aliwataka wananchi wa maeneo hayo kuhakikisha wanaitunza  miradi hiyo na kuwa walinzi wa miundo mbinu  hiyo ili kuweza kupunguza adha ya ukosefu wa maji katika vijiji hivyo ambayo imedumu kwa takribani  miaka minane sasa.

Katika kijiji cha Mahene Mkandarasi wa mradi huo Tingwa Company alipewa muda wa miezi tisa kuwa amekamilisha ukarabati wa miundombinu ya mradi huo.

kuu wa wilaya ya Nzega Mhe. Godfrey Ngupula,  kamati ya ulinzi na usalama  na wataalamu wa Halmashauri ya wilaya ya Nzega ameendelea na ziara yake ya nne katika kusikiliza kero za wananchi katika kijiji cha  Mambali,Mbutu na Mogwa.

Mambali ni kijiji kilicho umbali wa kilometa takribani 85 toka Nzega mjini. Hivyo ilimlazimu mkuu huyo wa wilaya  kufunga safari yake kuelekea eneo ambalo lipo kusini Magharibi mwa Nzega. Mwenyekiti wa kijiji cha mambali Damson Msoma katika ufunguzi wake wa kikao aliwataka wananchi wa mambali  kutumia busara na hekima katika kusema kero zao na kuachana na  habari za kuokota mitaani ama kwenye vigenge vya kahawa.

Kero katika kijiji cha Mambali ,Mogwa  na mbutu hazikutofautiana sana , kwani kero nyingi zilikuwa ni kukosekana kwa miundombinu ya barabara  kwamba wakati wa masika barabara nyingi hazipitiki. Katika kujibu swali hilo Eng. Mwita Joram meneja wa TARURA Halmashauri ya Wilaya ya Nzega  alieleza kuwa barabara kukarabatiwa na  idara yake hutegemea na uhitaji wa matumizi kwa wakati huo ikiwa ni pamoja na  wananchi kuchukua hatua za dhati kuchangia nguvu zao na kuonesha mwelekeo kwa kukaa vikao vya kijiji na kata ili kupata ubarikio. Sifa hizo ni pamoja na  barabara  hiyo iwe na uhitaji wa kutosha na matumizi yake yawe makubwa.  Haiwezekani kutengeneza barabara inayotoka kijiji na kijiji wakati kuna barabara zenye kuunganisha  kata na kata ama tarafa na wakati mwingine kata na wilaya.

 Sekta ya Afya  ndiyo  yenye kuwa na  kero nyingi toka kwa wananchi , upungufu wa watumishi  na dawa ni  kero iliyoletwa na Peter Mayunga Mwananchi wa Mambali. Katika kujibu swali hilo  mwakilishi wa DMO Mganga mkuu wa Wilaya Ndugu Fraviunus Mark alisema kuwa  Mambali na Mbutu wamepewa  watumishi. Kwa upande wa dawa aliwataka wananchi kuhamasika vya kutosha ili kila kituo kipate pesa za kutosha  katika mfuko wa RBF, kwani  mama mjamzito akijifungulia  Zahanati ,  zahanati itachangiwa shilingi Elfu 25, lakini mama akihudhuria kliniki majuma mawili kabla atapata shilingi elfu 18 itakayoingia katika mfuko huo. Aidha kila msindikizaji atasaidia kuingiza kiasi cha  shilingi Elfu 8 kwa kila msindikizaji. Hii itasaidia kuwa na fedha za kutosha na hatimaye kufanya ununzi wa dawa katika zahanati  zetu.

Kutokumalizika kwa majengo limekuwa ni tatizo kubwa katika halmashauri ya wilaya ya Nzega. Hii yote imetokana na kuwa  na bajeti  kubwa na isiyofikiwa katika ukusanyaji. Mwaka 2017/18 makusanyo ya Halmashauri hayakuzidi asilimia 60%, ambayo ni hatari katika uendeshaji wa shughuli za maendeleo katika  Halmashuri ya Wilaya yetu. Kwa kutambua hilo Mkuu wa Wilaya ya Nzega   Godfrey  Ngupula  alisema kuwa  pamoja na kutengwa fedha Milioni 115 kwa ajili ya ukamilishaji wa jengo la Zahanati katika kijiji cha Mbutu itategemea na Makusanyo ya Ndani katika mwaka wa Fedha 2018/19. Aidha makadirio yameshafanywa na Eng. Wa  Ujenzi ili kupata gharama zitakazotumika katika kukarabati nyumba ya watumishi wa Zahanati.  Shule za Sekondari na Msingi zimekabiliwa na tatizo kama hilo karibuni vijiji vyote yaani kutokamilika kwa majengo.

Kutokana na wakulima wengi kutorudisha deni wanalodaiwa la pembejeo msimu uliopita  imeonekana kuwa ngumu kwao kukopeshwa pembejeo tena. Hivyo basi mkuu huyo wa Wilaya aliwataka wananchi kuhakikisha wanakusanya masalia ya mazao yote  na kuyachoma moto ili kuua wadudu wote waliokuwa wamesalia  shambani.

Wazee wengi hawana vitambulisho vya kutibiwa bure. Mkuu wa Wilaya Mhe. Godfrey Ngupula  anamuagiza mkurugenzi  kuhakikisha kuwa kufikia tarehe 30/10/2018 vitambulisho hivyo viewe vimekamilika.

Wananchi John Nicholous mkaazi wa Mogwa ambaye pia ni mwenyekiti wa kamati ya shule alilalamika kuwa agizo kutoka juu lilikuja kuwaeleza kuwa kwa mradi waliochagua wa kuku wataletewa kupitia mzabuni, kwa maelezo yake mwananchi huyo alisema kuwa lilikinzana na maamuzi yao ya awali kwamba watanunua vifaranga wa kuku wa kienyeji. Pamoja na agizo hilo ndugu John Nicholous akiwa mwenyekiti wa shule hiyo aliweka saini kuidhinisha matumizi ya fedha hiyo kwa mabadiliko hayo. Kutokana na kero hiyo alimwomba mkuu wa wilaya asaidie kujua huyo aliyeko juu ni nani?  Mhe. Godfrey Ngupula Mkuu wa Wilaya ya Nzega alitoa maagizo kwa Mkurugenzi Mtendaji wa Wilaya kuwa anataka taarifa kamili ya mchakato mzima  wa zoezi hilo ulivyoendeshwa ndani ya siku 14. Alimtaka Mkurugenzi kuleta timu ya Mkaguzi wa Ndani kufika shuleni hapo ili kufanya ukaguzi wa matumizi ya fedha hizo.

Ziara ya mkuu wa wilaya ilikomea katika kijiji hicho kwa siku hiyo akitaraji kuendelea na ratiba yake siku inayofuata katika kata ya Bukene.